大摩喺香港嘅從練生涯進入最後階段，呢位香港馬圈殿堂級人物唔止見證本地馬圈成長，亦經歷香港經濟發展最黃金嘅年代。

馬迷從近日嘅訪問，知道大摩從練生涯嘅點滴、工作態度同性格。

馬場內嘅大摩對員工、騎師嘅要求嚴謹，場外就有輕鬆嘅一面。

大摩嘅母語係英文，但佢在港生活近半個世紀，加上喜歡主動了解本地文化，佢嘅廣東話嘅聆聽同溝通能力並不差。

到茶樓飲茶，佢能夠用廣東話叫點心，亦可以清楚表達自己嘅心情，例如係開心、憤怒等。

最令我難忘嘅係喺兩年幾前初秋嘅一個晚上，大圍村舉行十年一度嘅太平清礁。

由於我係大圍街坊，村內嘅足球場搭了竹棚做大戲，於是入去湊熱鬧，估唔到巧遇大摩同太太Fifi姐拍拖，二人對舞台同佈置同戲服都充滿興趣，細心睇咗好耐。

我上前同佢哋打招呼，兩人都微笑示好，毫無架子，可惜當晚太大意，我出街竟然唔記得帶手機，冇得為呢對恩愛夫妻影相留念。

撰文：林湛穎

-------------------------
邊個話財不入急門？
需要周轉嘅時候幫到手，先叫做應急囉！
邦民日本財務急你所急，只需要一個手提電話號碼同一張身份證 ^# 就可以申請貸款。
新客仲有迎新現金獎高達HK$3,500 ^▲ 添！
貸款額全數過戶，絕無手續費。
立即申請 : https://bit.ly/2ANcJlS

須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1140/2019
查詢及投訴熱線：3199 1199