當年今日
關於我們

【反方丈霸權】你知唔知邊個明星名人喺高登巴絲打?

蘋果日報 2016/11/29 18:30

高登王維基

全盛時期的高登紅爆網絡,高登仔成千上萬,原來仲有唔少明星名人喺高登巴絲打。
港視主席王維基曾以真名上高登冇人信。2014年3月高登網民率先發現無綫曾以流動電視播放,繼而揭發通訊辦「搬龍門」事件。王維基當時以網名「王維基」在高登討論區發帖,感謝網民發起集體去信通訊辦的活動。一開始冇人信王維基真名上高登,經證實後獲大獲正評。
另外,男歌手小肥也是一個高登巴打,網名曾叫「拔刀齋」。他於2013年11月就以高登為題推出名為「高登歌」的歌曲,歌詞亦提到不少高登潮語及金句,引起網民熱話。不過唔知以後仲有冇呢支歌仔唱啦。
據了解,才子陶傑都曾上高登。他在2009年7月曾在商業電台《光明頂》節目中誤引高登潮文,當真人真事去嘲諷「𡃁模現象」,引起笑話。他事後解釋自己早知該新聞是假的,因此在節目中強調消息是在網上高登看到喎。
另外,好多人會以cd-rom身份﹝指只睇帖而唔回帖嘅人﹞上高登,所以有明星、名人瀏覽高登討論區也不足為奇。被網民懷疑是高登cd-rom的名人有:森美、陳靜、杜文澤等。
不過大部份巴打絲打都將現實世界同網路世界分得好開,唔會俾人同時知道網名及真名,一來隱藏真身先可以喺網上暢所欲言,二來唔想成為被起底對象,所以真名上高登喺非常難得,更何況明星、名人。
掌握財經地產資訊,即Like「蘋果ATM」fb專頁啦!
http://fb.com/appledailyatm