韓國限定男團Wanna One出身的男歌手朴志訓，昨晚於亞博舉行粉絲見面會，他除了親自製作橙汁送給粉絲外，又跟粉絲用傳聲筒對話，冧爆粉絲。尾聲時，朴志訓被粉絲準備的驚喜影片感動到喊，場面感人。

朴志訓昨晚除了表演《I Wanna Have》、《11》等歌曲外，又演唱新歌《Young 20》。另外，他於台上公開行李箱，向大家展示他的私人物品，又做出飛吻手勢表示要錫粉絲。朴志訓又表示最滿意自己的腰，指去年為了練腹肌，除了多做運動鍛鍊外，食物都要以蛋白質為主，而且戒口不可以吃喜愛的炸雞。

另外，朴志訓抽出幸運粉絲，二人扮演情侶用傳聲筒對話。之後朴志訓製作橙汁送給粉絲，又挑戰夾公仔和踢毽的「任務」。尾聲時，台上播出粉絲準備的影片，令朴志訓非常感動而忍不住於台上流淚，他表示：「冇諗過會喊，一直覺得自己有不足嘅地方，我成日諗同研究要點樣做得好啲，但總係做唔到，我唔滿意我做嘅嘢，雖然唔知大家滿唔滿意，但我真係會再努力。」之後朴志訓跟粉絲影大合照，最後演唱《Hide And Seek》及《Press Your Number》，圓滿結束是次見面會。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI