【李八方online】鹿就係鹿！劉偉聰助街坊黃店派《蘋果》
蘋果日報 2020/09/07 15:48
李八方online劉偉聰黃店
近期最多人討論嘅動物應該係鹿同馬，皆因兩者完全唔同，竟然有人會覺得係一樣，仲自覺外界唔會睇到個分別。本身為大律師嘅深水埗又一村區議員劉偉聰，當然識得點分鹿同馬，而同路人又點止得佢一個？
佢今日喺Facebook發帖話，有熱心街坊好欣賞《蘋果日報》「鹿就係鹿」嘅精神，希望佢嘅團隊幫忙向黃店同喺辦事處派發贈閱《蘋果》，「團隊亦十分支持是非黑白，緊守良知」，所以今日已經出動，立即幫助街坊向不同黃店派發《蘋果》，仲hashtag「黑白是良知」、「弄假不能成真」。
劉偉聰團隊助街坊喺徐記廚房、利口福快餐店、LA TESSA、牧羊少年等黃店及其議辦，向街坊送贈合共50份《蘋果》。劉偉聰Facebook圖片
質疑執勤司機有何攻擊意圖
而除咗撐《蘋果》，劉大狀都撐巴士司機。佢話呀，《管有攻擊性武器》無論係第228章《簡易程序治罪條例》 第17條（第17條）及第245章《公安條例》 第33條（第33條） ，「攻擊性武器」定義一樣，「但試問一個執勤中的巴士司機，點樣有攻擊意圖？」
佢覺得更合理嘅想像係，「警員衝出馬路執勤，同樣在執勤的司機『響按』提你小心睇路，但玻璃心碎，覺得被挑釁，心有不甘下搜車搜身，更『開心大發現』搜到個工具俾你又拉又鎖下返啖氣，爽咗」。有網民好認同，留言指「個心虛就會捕風捉影」，另有網民話呀「其實揸車人士換呔都有唔少工具，死得」。
而除咗撐《蘋果》，劉大狀都撐巴士司機。劉偉聰Facebook圖片
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！