現年38歲日本女星國仲涼子喺事務所官方網頁報喜，透露正為35歲老公向井理懷有第二胎，而向井理亦已透過官方網頁同社交網站公開喜訊。佢透露將增添家庭成員，已經啱啱進入安定期，身體好好但呢個時間需要悉心調理，希望大家可以靜靜咁守護佢哋。

國仲涼子同向井理喺2012年透過合作劇集《搖滾大廚》撻着，兩年後結婚，翌年長子出世，今日佢哋公開將再為父母嘅喜訊，但就冇詳細透露幾時預產。