【追阿嬌積怨12年】陳冠希出反「666」Tee 暗寸余文樂 網民：落井下石！
蘋果日報 2020/03/03 18:39
娛樂陳冠希余文樂娛樂
昨日余文樂的時裝品牌Madness 推出新衫，其中一件衛衣印有「五一」 手勢，隨即被內地網友鬧爆「帶着你的衣服滾出中國」。余文樂即晚已經發出道歉聲明，可惜網民唔太受落。內地網民叫佢「滾」，香港人又話一早對佢死心，今次真係兩邊不是人！
一向同余文樂有積怨的陳冠希，他的時裝店Juice 今日下午推出新衫，其中一件Tee 上面，竟然印住反「666」 圖案，係人都知「666」正是余文樂別名，因為時間太吻合，另網民即時聯想到呢件Tee 係暗串余文樂，唔知今次係咁啱得咁橋，定係Edison 別有用心呢？
但係網民似乎又唔係咁buy呢件Tee，仲留言反話Edison : 「落井下石，你也不是什麼好東西！」、「五十步笑百步，真的看不起」、「兩兄弟，相煎何太急」。
其實余文樂和Edison 多年前已經傳出不和，當年二人同屬新人，有傳因為同時追求鍾欣桐而不和，更試過在後台發生「撞膊」事件，又互相用粗口問候，要工作人員出手阻止。
17年，二人更在IG發生罵戰， Edison 直指自己的品牌Clot 高過Madness 幾級，余文樂都不甘示弱，在ig 引用美國歌手Frank Sinatra 名句「The best revenge is massive success 」，擺明暗寸Edison 當年因為淫照事件被逼退出娛樂圈。
余文樂出事之後，Edison 的時裝店隨即發佈反「666」 Tee 。
昨日余文樂的潮店推出「五一」衛衣，惹來內地網民抨擊。
同期出道的余文樂和陳冠希，齊齊被視為矚目新人。
當年有傳Edison 和余文樂因為同時追求阿嬌而不和。
陳冠希一家三口現在長居美國，經常晒溫馨合照。
Edison 推出反「666 」Tee後，亦被網友指他「落井下石」。