沈集成馬房的「超強快駒」今朝早（19日）雖只由騎馬人策至草地1800米進行快跳，但成哥依然咁緊張，他於機坪接馬之餘，更一路跟住馬匹返馬房，其間不停查問鞍上人關於馬兒的表現。

出戰周三（21日）晚第八場三班1650米賽事的「超強快駒」季中兩捷後，曾休賽四個多月，其後復出跑兩場谷草一哩都輸得唔遠，明顯狀態已漸復水準。

今次用到在港出賽例有馬贏的火車潘潘明輝跑首本路程，鞍上人隨時又有士哥。