【新增內容】

現年38歲嘅張栢芝，上月傳出喺養和醫院順利誕下第三胎，一直冇出過聲嘅栢芝今晨喺微博公佈第三胎係仔之外，仲話「小王子已經滿月了！」

栢芝同霆鋒所生嘅兩個囝囝Lucas同埋Quintus分別11歲同8歲，而栢芝再陀B其實亦有跡可尋，一向喜歡小朋友嘅栢芝，今年2月底曾在社交網上載一張擁着小女孩的相片，然後留言：「2018年之前，必定要生出BB來，this is my goal!」

栢芝產子消息傳出當日，霆鋒正喺香港出席活動，當時記者上前提問有關栢芝嘅問題，霆鋒只係微笑點頭表示「唔答喇。」（新聞連結： http://bit.ly/2UQK84o ）

今日，《蘋果》聯絡霆鋒，問佢前妻誕「小王子」，會否送祝福？霆鋒透過經理人霍汶希表示：「沒有回應。」

至於曾跟栢芝傳過霧水緋聞嘅歌手梁釗峰，今日出席港台頒獎禮被問到有冇恭喜栢芝？釗峰表示：「未有時間恭喜，今日同事畀新聞我睇先知，朋友間唔多問呢啲事情，佢公佈咗就戥佢開心，因為知佢一直鍾意小朋友。」問到之前知唔知栢芝有咗？釗峰話：「佢冇同我講，我亦都冇去八，因為要宣傳新碟好忙，都有一段時間冇見面，唔了解佢近況。明日我出碟會送newborn baby畀佢，我會恭喜佢，唔會刻意要見佢嘅bb。」

精選娛聞，喺晒《娛果》
http://fb.com/appledailyent