天氣開始轉熱，這晚快活谷夜賽，幾乎有馬匹陣亡戰死沙場！
件事係咁嘅，第七場三班1200米，跑到對面直路之際，原本居中的賀賢馬房5歲壯年馬「紀利福星」在騎師蘇狄雄胯下突然急速力弱，墮退至包尾位置，之後慢跑入直路，卻捱唔到終點，緩步踱到直路尾停低，原來途中鼻部狂噴血。
不久工作人員趕到現場，圍起綠色帆布，「紀利福星」開始全身軟癱，一對前腳屈低，之後就慢慢全身倒在地上嘶叫，疑似中暑過熱兼肺部負荷不到噴血，當時馬迷都以為「紀利福星」已暴斃，不過當工作人員從水車拿起喉管水槍，向「紀利福星」淋水散熱冇耐，此駒卻奇蹟地慢慢爬起身，並由工作人員牽引上馬車運走，過程相當神奇！
話雖如此，「紀利福星」在草地跑道倒下之際，馬主團體一眾成員手足無措，走去向負責訓練此駒的賀賢問個究竟。
「紀利福星」馬主是紀利華木球會賽馬團，曾勝一場四班賽，累積獎金808,000元。