今次以小博大過關精選周六4場波膽，錫菲聯及色當主場有望同打和對手1:1；班士利及波圖則博齊以1:0小勝對手。
英冠聯最近有個別球隊，引入幾位借將好手後，即有反彈兼連勝表現，班士利是其一，新兵前鋒李安禮特及格蘭麥肯都系出韋斯咸及車路士兩大英超聯名門，近兩仗連勝，今訪近況不穩的列斯聯，不妨再追，可敲班士利贏1:0。

英超聯錫菲聯剛於周中作客屈福特贏波全取3分，但呢支升班馬今季聯賽主場表現唔太可靠，迄今7戰只贏過米杜士堡；今輪迎戰對手雖係榜末嘅查爾頓，但查爾頓自換帥後，上輪聯賽終於搶到分，個勢唔錯，今仗有望各一言和。
另文「2線波早飛」點出法甲聯色當主場對特魯瓦一仗，有望合演和局戰果；看色當今季主場8戰，5次和波當中，1:1及2:2各兩場，但因特魯瓦作客入球能力偏低，照睇1:1波膽走唔甩。
葡超聯波圖今季繼續無敵之勢，主場尤其厲害，聯賽5戰全勝，今迎中游球隊博維斯塔可望再奏凱；博維斯塔今季客場聯賽5戰得1勝1和3負，入4球失6球，平均每場贏輸都係1粒咁上下，可博波圖小勝1:0。
文︰華度