何超儀、周嘉玲、陳嘉容和雷怡暉,早前為DiorRouge傲姿唇膏拍攝宣傳照,前晚四人齊往中環置地廣場,出席宣傳活動,其中即將結婚的何超儀更成為全晚焦點。
留空間予家人
早前有周刊報道指何超儀年底出嫁時,會獲二千萬元嫁妝費,而賭王何鴻燊更已分好身家。前晚超儀就此事回應說:「有關屋企同婚事,呢次係最後一次回應。嗰篇報道我已經交咗畀律師處理,嗰次訪問,佢哋問我婚事同分身家,我都係答『唔知』,點知出咗嚟變咗『唔否認』,個封面重變埋『承認』㖭。」
超儀續說:「我今次發信其實係想佢哋解釋番件事,同埋登道歉啟事,我原本同呢本周刊係老朋友,不過冇講過就唔可以屈我,我都想留番啲空間畀我屋企人。」
曾被賤人利用
問超儀結婚前有甚麼角色想演?她說:「我要喺度公開同啲導演招手,想婚前賤一賤,想演啲賤人角色,好似狐狸精、斯文敗類咁,我試過遇到啲借你過橋嘅賤人,過橋之後就唔識你,我好想試吓代入佢哋。」
早前超儀的未婚夫陳子聰往澳門塔行skywalk時,指超儀畏高不敢上陣,更說「佢敢我切」,她前晚笑說:「佢咁講,我有膽都唔會去行啦,我都唔想佢切,冇理由傷害佢㗎。」
採訪:DebbieLum
攝影:HoKwokHo