第一上海(227)股價話咁快跌近1年低位,先睇位博轉反彈。第一上海經過呢期股價勁插,貼近1年嘅「長城鋼價」1蚊水位,9RSI跌到得番12,兼且背馳,而唔計任何資產重秤因素,現價嘅NAV折讓擴大到40%,相對其他有紅色證券股,平咗一大截。又第一上海最新手頭現金8.28億銀,借貸講緊得1476萬銀,淨現金高達8億銀。
港股橫風橫雨期,第一上海呢家超級現金牛,應該有一定嘅防風力。再講,第一上海除咗主打香港證券業,亦兼備埋內地B股證券業,祖國股市經呢輪調整,中長線睇,肯定好景兼跑贏好多外圍股市,第一上海未來收益增長,應該更上層樓,係長線要實對象。呢轉吼實1蚊低位,先兜一轉,博升30%到1.3元,未有耐上到NAV1.9元。