韓國天團BIGBANG嘅勝利成日都會演出綜藝節目，近日佢就落實演出《窮遊豪華團》嘅廈門篇，孖曹世鎬、鄭俊英等人飛去廈門拍攝。

勝利、鄭俊英一行人今日就飛抵廈門，眾人一現身廈門機場即獲大批粉絲歡迎，勝利亦有微笑及揮手，又跟幸運粉絲自拍，令現場氣氛高漲。

另外，勝利所屬嘅YG事務所近年擴充業務，前年更花460億韓圜（約3.2億港元）起新公司大樓。早前韓網有公開新YG大樓嘅資料圖，見到擁有地下5層及地上9層高嘅大樓，預計下年完工。今日，YG老闆楊賢碩亦於Instagram公開新大樓嘅模型，表示YG大樓預計明年7月完工，而BIGBANG嘅新專輯錄音亦會於新大樓內進行，似係預告BIGBANG其他成員一退伍，即會出新碟回歸，令粉絲非常期待。

更多韓流，喺晒《娛果》
http://fb.com/appledailyent