韓劇《回答吧！1988》男星朴寶劍早前為服裝品牌K-Swiss拍攝廣告，片中朴寶劍跟一名叫「萬里長城」嘅人下棋，而「萬里長城」輸掉比賽，因而被內地網民認為廣告有辱華成份，揚言要抵制朴寶劍。事隔一星期，K-Swiss噚日終於喺官方微博發聲明道歉，表示廣告內容為雙人圍棋嘅舞蹈競賽場面，模仿韓劇《回答吧！1988》嘅內容同場景，又強調：「是與政治問題完全無關的一個作品。」，指品牌而立即刪除轉發嘅廣告，並向網民道歉。

不過網民就唔多接受呢個道歉，批評K-Swiss將責任推畀朴寶劍，同時拖《回答吧！1988》落水，有朴寶劍嘅粉絲要求K-Swiss向朴寶劍道歉。另外，亦有網民認為朴寶劍依然有責任，留言：「藝人冇基本嘅判斷力，可以怪誰？」而朴寶劍方面就一直未有就此事作出回應。