上周六英冠賽事米杜土堡作客錫周三，主隊先有華萊士於30分鐘入波領先，但米堡有侯臣同梳頓係下半場入波，最終反勝2:1。本來只係普通不過嘅英冠比賽，但兩隊教頭居然都喺賽後都冇得撈，喺聖誕前齊食無情雞。

據英國傳媒報道，錫周三喺今日宣佈同教左兩年半嘅卡路士卡華夏傾掂數解約分手，卡華夏表示依家心情好差，因為呢兩年喺錫周三過得好開心，而且有兩次打附加賽機會，可惜都無法衝超成功。

輸波被炒都有啲道理，贏波都炒就顯得更慘。6月先上任米杜土堡領隊嘅蒙克，喺比賽後一個鐘被球會告知被炒。其實現時米堡以35分係英冠排名第9，距離第6嘅維拉都只有三分距離，咁都炒真係耐人尋味，有傳聞米堡帥位將會由前西布朗領隊普利斯接任。

--------------------
狂賀！BFB系列推出5周年，精彩活動為您安排，立即登入速享專屬優惠！ http://bit.ly/2xrTKGM