繼《南華早報》自我審查後，傳媒自我閹割嘅醜聞陸續有嚟，今次受害者係身在歐洲訪問嘅民主領袖昂山素姬。
據聞CCTVB新聞部總編輯葉惠民，噚日出電郵畀同事，話緬甸民主領袖昂山素姬噚晚喺英國嘅國會演說，不得直播；即使將現場直播畫面縮細放喺電視左下角，都一樣唔准，但新聞就要照做。

葉生冇解釋點解要封殺昂山素姬，只係講明呢個決定係「奉老細喻」，咁邊個係真正幕後黑手？八方如果估係新聞總監袁志偉（花哥），相信冇人會覺得詫異啩！因為袁志偉治下嘅新聞報道，全面河蟹，早年已經壓制六四事件嘅報道，惹嚟CCTVB惡名，最近李旺陽新聞被縮細，袁志偉唔通無份做決定？估唔到佢連昂山素姬都搞啫。
聽聞花哥嘅決定辣㷫唔少前線記者，即使係八十後、九十後新聞小花小草，都好嬲花哥呢個決定。花哥咁河蟹，不如以後就叫佢做「花蟹」啦！