噚晚梁烈唯拍《飛虎極戰》遇上車禍，今日佢就出席大台活動，梁烈唯路一拐一拐咁現身，講到傷勢，佢就話膝頭受傷，做咗磁力共震冇內傷同骨拆，冇咩大問題。

講到意外經過，梁烈唯話當時拍緊嘅係被吳卓義追捕情節，但因為部車收唔切掣，所以佢就被撞到彈起再跌落地，而成個過程梁烈唯都有知覺，膝頭好痛，救護人員嚟到就叫佢唔好亂郁，之後就送院，現場嘅吳卓羲同陳凱琳都嚇到呆咗，吳卓羲之後都有去到探佢。

同場嘅高海寧就啱啱做咗業主， 仲喺IG貼咗同爸爸媽媽收樓嘅相，依家就諗緊會唔會搞入伙party。