【《深宮計》奸妃短命多人讚】37歲陸詩韻秘撻魔術師︰好過50歲先遇到
高正安深宮計宮心計2陸詩韻
05年港姐亞軍陸詩韻(Sharon),離開大台9年,最近在劇集《宮心計2深宮計》飾演宋王妃,首次演奸角的她,再次被人留意。
近年Sharon的工作,可說是一半幕前一半幕後,最近重投拍劇工作的她,感覺仍有好多新鮮感,她說︰「初初唔係好慣,好耐冇試過捱夜。雖然好辛苦,但我又覺得好親切,始終我喺呢度出身。」今次Sharon演奸角宋王妃,得到不少網民稱讚,她本人亦感意外︰「原來有人鍾意我拍劇,係好大嘅強心針。」稍後她接到不少大陸劇組找她拍古裝,如《我的前世情人》演歌伎。
談到離開大台9年,Sharon回想這段日子,百感交雜。「呢幾年做生意,真係經歷咗好多,遇過錢銀轇轕,再加上感情經歷,打擊真係好大。曾經有段時間,行出街就覺得人哋講自己,我試過去睇心理醫生,但醫生幫唔到我。」為何連醫生都幫不到她?她笑謂︰「醫生畀啲安眠藥我,叫我瞓好啲,收我幾千蚊,其實真係幫我唔到。」
Sharon形容自己這幾年的經歷,尤如過山車。說到此,Sharon不無感歎︰「呢個世界好細,好事壞事都會有人知。依家慢慢學識要同人傾,有前輩教我,唔好怕人講,唔好理人咁多,呢啲經歷確係令我成長。」
人言可畏,關於Sharon的話題,不離感情生活。曾經歷幾段感情,卻未能開花結果,甚至「上埋身」受連累。「帶眼識人」四字,Sharon說︰「係呀,我真係冇乜眼光,只可以話自己唔好彩。但係我好阿Q精神,細個遇到呢啲經歷,跌過都仲有時間起番身,好過我50歲先遇到。」
近年盛傳她與舞台劇演員兼魔術師、38歲的高正安撻着,提起對方,Sharon總是說︰「大家都係朋友,佢係一個好好嘅男仔,了解中。」兩人2014年因合作舞台劇《千奇百解》而認識,問她了解4年了?她笑謂︰「我小心嘛!要了解清楚對方。」
天生男仔性格的Sharon,坦言男友要忍到她的脾氣,「我唔係小鳥依人嗰種,對方要接受到我內在同外在係好唔同。」她覺得只要另一伴,對家人好又孝順,又愛護小動物,一定心地不壞。
採訪︰羅婉玲
服裝︰Maison Vermillion
場地︰嚐品慕茶
精選娛聞,喺晒《娛果》
http://fb.com/appledailyent
在感情上的經歷,陸詩韻話︰「好過我50歲先遇到。」
近年盛傳她與合作過舞台劇的魔術師高正安(右一)撻着。(網上圖片)
之前陸詩韻在《宮心計2深宮計》飾演奸角宋王妃。(電視截圖)
早前她在大陸劇《我的前世情人》中演歌伎。(網上圖片)