練馬師姚本輝今季季初表現相當失望，迄今只得10場頭馬，比上季同期少6場，亦連續五個賽日未有贏馬。

周日（23日）輝哥一共有6匹戰馬參與賽事，今晨（22日）他麾下戰馬全數出內圈踱步加課，廐主在欄邊觀察他們的走勢，其中又對「財高八斗」以及「馬奇財」較為肉緊。

「財高八斗」前仗初跑田草直路1000米賽事隨即追入一席第二，當場冠軍「薈力之城」全程貼欄領放，更比牠孭輕12磅。

今次「財高八斗」再戰第九場二班同程賽事，配上見習生巫顯東出賽，反比「薈力之城」孭輕10磅，後駒亦未必能貼欄競跑，形勢有變下有望反先對手，為姚本輝增添頭馬。