當年今日
關於我們

【上台自轉】劉曉慶成功之道:成功咗要請佢食麵

蘋果日報 2017/07/21 17:09

劉曉慶鄭明明書展

劉曉慶今日喺會展出席「笑對生命落差,不怕從頭再來」講座,宣傳新書《人生不怕從頭再來》,好友鄭明明都有出席支持。
一出場時,本來安排個講台畀劉曉慶,但佢就話想展示佢條白色透視長裙,所以就企咗出嚟,仲轉咗個圈畀大家睇,在場粉絲即刻大嗌歡呼。
今次係劉曉慶第一次出席香港書展,又係第一次以作家身份主講,佢話:「上次有人叫我卻爽約了,因為害怕,有太多作者了,今次也想爽約,但卻硬着頭皮來。」已經出過3本自傳嘅劉曉慶,講到一生都大起大落,成長嘅路遇到好多困難,佢話:「我拍第一部戲的時候,導演指我不夠努力,但我其實已很努力,當時我就想,當我有成就的一天,我絕對不會欺負新人。」而佢仲分享自己嘅成功秘訣有兩點,一係不忘初心,永遠唔會欺負新人,二就係成功咗要請佢食麵。
劉曉慶演過4次武則天、4次慈禧,每次演出都要超越自己,講到每次角色都係名女人,共通點都係靠男人上位,佢就話:「我是沒有這個潛規則的,我沒有靠過人當主角,我結過婚也離過婚,我仍很喜歡帥哥,但我不會用手段去達到目的。」