該法律界人士指，今次路透社訪問三名資深法官，「報道係全世界都睇到，特別係西方國家」，他指在民主國家眼中，法官等同獨立司法制度的「最後防線」，「佢哋見到連法官都要企出嚟發聲，即係話法治、司法獨立已岌岌可危，證明送中惡法對香港司法制度做成嚴重破壞」，他預計國際社會將更堅定反送中惡法立場，「你估國際社會信法官定信林鄭？」
另一民主派中人指，當年23條立法也沒有法官要匿名發聲反對，「咁可以見到，送中惡法對司法制度破壞，完全大過23條立法」，他又指受訪法官明顯想提醒港人，一旦送中惡法通過，即使他們想頂住惡法，「但條例寫成咁，佢哋只有跟住判，根本冇乜空間阻止」，即使跟足法例判否決引渡，「北京亦會施以政治壓力，逼班法官配合，咁嘅情況下香港司法獨立就冇晒，班法官只有係通過惡法前，先拉響警號」。
■記者莫劍弦