王君馨同圈外男友Daniel結束11年愛情長跑，噚日終於係美國紐約舉行婚禮，鍾嘉欣、李亞男、裕美等擔任伴娘。君馨嘅好朋友欣宜都有份出席，佢噚日亦有喺ig即時動態上載多張婚宴時候嘅相片。

向來惹火嘅欣宜穿上黃色低胸吊帶衫，大騷身材，佢同一位男士一齊坐，雖然冇透露出席邊個婚禮，但佢就自封「Wedding Crashers（婚禮的搞事者）」，好鬼馬咁伸脷。佢哋似乎係等嘅一對新人進場，而戶外就有一個湖，景色非常宜人。及後欣宜再上載食飯相，見有個牌寫住「Ms Joyce Cheng」，碟上嘅三文魚賣相非常吸引。

而未有出席婚禮嘅苟芸慧，今日短訊回覆《蘋果》謂﹕「因為我要做林敏驄演唱會，所以趕唔到過去，都覺得好可惜。所以嚟緊佢喺香港舉行婚禮，一定會出席，已預備咗一份幾有心思禮物會送俾君馨，到時都會做姊妹。」