呂珊、楊立門噚晚喺尖沙嘴文化中心舉行《呂珊·楊立門經典英文金曲演唱會》，佢哋話第一次合作時已經好合拍，今次主要係唱唔同年代嘅英文歌，有各種唔同嘅風格，好多元化，所以揀歌都用咗好耐時間。楊立門話：「我有好多歌都鍾意唱，以前讀書、返工都會唱，真係要唱晒自己鍾意嘅歌，唱一日都得。」

珊姐話有諗過同楊立門之後再合作，不過最大問題係book場好難，希望可以去海外做巡迴。噚晚嘉賓係鄧建明（Joey），珊姐話同Joey識咗好耐，難得佢可以表現斯文嘅一面，楊立門笑話：「Joey可能會爆粗喎?」珊姐講笑話：「我會紮住佢把口等佢唔好爆粗。我平時好斯文㗎！」

精選娛聞，喺晒《娛果》
http://fb.com/appledailyent