先後效力無綫和亞視的藝人羅銘偉，9月20日因病離世，終年66歲。其家人今天於世界殯儀館為羅銘偉舉行追思會，明天將送到歌連臣角進行火化，而骨灰將由哥哥羅銘泉先帶返大陸，稍後再決定如何安放。專程從北京赴港為弟弟奔喪的羅銘泉一早抵達殯儀館打點，靈堂上佈置簡潔，橫匾寫上「永遠懷念」，兩旁則放有羅銘泉隔離期間為弟弟撰寫的詩詞，向弟弟作最後致敬，藝人吳浣儀、曾偉明與劉錫賢也有到靈堂表心意，而劉少君、李力持與蔣麗芸則送上花圈。

提到羅銘偉的離世，羅銘泉指得知弟弟去世時大感詫異，羅銘泉在回憶起弟弟的點滴與遺願時，也不禁眼紅紅說：「因為佢冇宗教（信仰），所以舉行追思會畀啲朋友悼念，有10幾位朋友會分享佢生前嘅點滴。我哋一向有聯絡，當時我同太太喺大西北旅行度假，中午嘅時候聽到弟弟打嚟，我哋喺火車裏面收得唔好，佢仲叫我哋小心保重，防疫唔好疏忽，到到夜晚7、8點就有警員用佢嘅手提電話打嚟，我就覺得好奇怪，佢同我哋講弟弟喺醫院過咗身，我當時都好詫異，覺得係假嘅。」

問到弟弟的死亡原因，羅銘泉說：「好似話係心臟有事，但一直唔知弟弟心臟有問題，如果唔係香港呢2、3年嘅情況，佢唔應該就咁樣走咗，佢身體仲好好。」羅鉻泉又提到他們有3兄妹，但二妹因疫情關係未能從美國回港，不過他很感謝弟弟一班生前的演藝界朋友協助辦理弟弟後事。

劉錫賢於黃昏時份抵達靈堂悼念好友，他表示會擔任司儀，他指跟羅銘偉相識20多年，指對方熱心做慈善，是名符其實的慈善之星，他說：「我成日鬧佢，咁有才華，主持咁叻點解唔做主持，佢答我寧願去敬老，得百幾蚊車馬費都肯去，好有善心嘅人估唔到有咁嘅事，我哋都好震驚。」對於好友的離開也感遺憾，他說：「我哋有約定，其中一樣係疫情下佢成日自己一個人食飯，我哋約咗疫情好返就去食餐好嘅，不過而家食唔到呢餐；佢每次出席敬老活動，都話要留個位，等佢可以喺嗰度安享晚年，而家佢可以喺天家安享晚年。」

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！