關心妍沖涼被催節約用水感壓力 女兒着重環保意識似「小管家」
關心妍環保
關心妍今日在主題公園出席保育日,呼籲大家要珍惜瀕危物種,她指一直很注重環保和保育,會將這些意識灌輸給快將5歲大的女兒Jovia,例如用環保袋,少用塑膠用品,出外用餐時自備餐具。
她表示現時學校着重灌輸教育環保意識,所以Jovia在家經常做「小管家」,關心妍說:「佢返到屋企會教我哋,沖涼用幾多水、沖幾多分鐘,唔可以用水喉太耐,紙要用晒兩邊,我哋而家沖涼,佢就話『你仲未出嚟?』,我即刻話『唔係呀,我落緊妝,唔係用緊水。』,所以身教好重要。」
問到會否少開冷氣?她表示都會,但Jovia頭髮厚又長,所以會帶她剪短頭髮,續說:「剪冬菇頭,但我想佢留長頭髮,不過佢就唔貪靚,佢都想剪短啲,游水方便啲。」
談到工作方面,她計劃今年推出3首歌,早前就已推出新歌《腍》,另外2首就稍後錄製。而她的慈善基金亦會籌辦暑期班,亦要為Jovia安排暑期活動,她說:「可能帶佢去親近大自然,如果佢唔放電,夜晚好難瞓得着,如果唔係,我就要講好多故事哄佢瞓。」
關心妍表示女兒Jovia環保意識重,成為家中「小管家」。
夏天天氣太熱,關心妍會為女兒剪掉又厚又長的頭髮。(資料圖片)
-----------------------------
-----------------------------