當年今日
關於我們

【投身保險界兩個月】林作透露將搞棟篤笑 計劃作義籌為教育界出一分力

蘋果日報 2020/05/21 00:00

林作

已投身保險界兩個月的林作,今天現身中環IFC閒逛,他走到男裝店,記者上前訪問,他笑言剛見完客,並看看西裝,他笑說:「最近我喺呢度買咗16萬。」轉行後加上網購生意,賺不少?他說:「少少啦!有危先有機,別人害怕嘅我就偏唔怕,而家更加要衝出嚟,出街多10倍,而家生意都多10倍。」
問到有否向圈中人埋手?林作說:「明星都有,好多時傾開覺得幫到手啫。」林作更爆成為本月保險業全港第二,招人妒忌,他說:「其實都係因為封關問題,因為內地嘅市場好大,通返關嘅話內地嘅agent就即刻收我皮,所以我都有壓力,個個都話要打贏林作,贏到我咁同戴綠帽 乜冇分別。」問到他會否識個女朋友作慶祝?他說:「買吓嘢啦,我冇乜寄托,好空虛。」林作搞作多多,他透露將搞棟篤笑,以嬉笑怒罵形式來自嘲,並計劃作義籌,希望為教育界出一分力。
採訪、攝影:羅慧敏
empty