前英冠查爾頓球星伊朗嘅高查尼赫特，早前因為被禁止入境美國冇得探老婆屋企人而批評美國總統特朗普。

現年30歲嘅高查尼赫特有伊朗同荷蘭雙重國籍，佢因為侵侵嘅新版入境禁令而去唔到美國見老婆屋企人。依家效力荷甲海倫芬嘅高查尼赫特接受《Ziggo Sport》訪問時話︰「我去唔到美國，我老婆係美國人，我有荷蘭護照但亦有伊朗護照，結果我就唔准入境美國，我覺得係黐線㗎，因為咁代表我唔可以去探我老婆嘅屋企人。」

高查尼赫特話自己差不多一年前已經向美國大使館申請簽證，佢哋應該兩星期之內畀我答案，但過咗成年我都冇收到任何消息，之後我向荷蘭報紙投訴，講晒我對特朗普嘅睇法，然後我話唔可以去美國探姻親真係好癲。三日之後我就獲發簽證，經過我嘅訪問之後我終於可以去美國。」