姑勿論曾德成是否一如傳聞，曾發火拍枱鬧林鄭月娥；但有政府中人指，曾德成確實極力捍衞體育城計劃，在政府內部力促闢謠，以免蔡涯棉等「個人意見」影響人心。有知情人士指，覓地另建體育城建議並不可行：「體育館嘅座向、會唔會影響到某啲比賽呀，嗰度風向對啲項目有咩影響，政府當時都計過度過，點會咁容易可以搵到另外一個地方？」據了解，曾德成認為政府既然做了那麼多前期工夫，企硬不容任何改變，因此迫使林鄭從速澄清降溫。坊間或估不到，曾德成在龍尾一事同樣強硬。考慮到龍尾發展計劃已經過所有程序，政府內部堅持不應肆意改變；有政府中人便指，「吓吓過晒所有程序又要改，政府仲使做嘢嘅？」據了解，曾德成亦堅持程序合法，拒作讓步，結果曾私下到龍尾視察、傾向保留龍尾的梁振英也未敢與曾德成「硬碰硬」。有政府中人笑笑口指，曾德成是阿爺親自揀選的人，敢在梁振英前擺硬姿態，何奇之有？季陶