日本組合嵐成員松本潤月前被爆背拍拖多年女友井上真央，嗒AV女優葵司，仲同上原亞衣有過肉體關係。另一成員櫻井翔亦一腳踏兩船多時，佢被指與女主播小川彩佳戀情曝光後，即與「炮友」A小姐斬纜。

35歲嘅櫻井翔與32歲女主播小川彩佳年初與拍下多次密會照，更出入女方香閨，兩人無論外形及學歷同樣匹配，更被指可能隨時閃婚。

但近日有報道指，櫻井翔就讀應慶大學時有一名同班女友A小姐，可惜A小姐因未能當上女主播，最終要去到關西工作，報道話之後兩人關係斷斷續續，直至今年初仍未正式分手，消息話該女生就算同櫻井翔唔結婚都冇所謂，唔介意與櫻井翔一直維持肉體關係，而櫻井翔可能只視對方為性伴侶。

不過櫻井翔自與小川彩佳戀情曝光後，好似已立即與A小姐斬纜，兩人嘅共同朋友亦聯絡唔到A小姐。