伊東心口白雪雪
做開model嘅伊東都坦白認自己係平胸一族,佢話:「做女人嘅,梗係緊張自己個胸,我最理想嘅,就係唔太大唔太細,夠圓同向上嘅胸部!」為咗幫個胸扮靚,伊東會買日本某牌子度身訂做嘅bra,而且個胸都搽勁貴嘅美白精華!
佐藤飲蜂蜜美乳
天生大胸嘅佐藤,根本唔使好似一般女仔咁,着有鐵線嘅定形谷胸bra,佢話:「我覺得有鐵線呼吸好辛苦,而且對胸部皮膚唔好,所以鍾意運動型嘅胸圍。」此外,佐藤覺得多飲蜂蜜同食維他命C,都有美乳作用。
原史奈戴超細隱形Bra
同伊東一樣好瘦嘅原史奈,始終重係走緊水着女星路線,所以識show胸好緊要,佢對戴隱形bra好有研究,佢話:「我戴開矽製嘅nubra(隱形bra),我特登買細兩個cup數,戴上去谷胸效果好勁,揀啱牌子嘅話戴成日都唔會甩。」
仲根霞做gym保線條
仲根霞基本上搽乜嘢上面,就搽乜嘢上胸,再加埋豐胸精華素,個胸真係補到不得了。另外佢每個星期最少去一次做gym,佢話:「咁樣就可以keep住胸嘅線條。」霞女又話佢個胸成日出粒粒油脂,但最近去到鄉下地方石垣島發現一支神仙水,簡直打救咗佢個胸。