做得馬主當然希望可見到愛駒贏馬，但不少馬主都是大忙人，唔係一定有時間入馬場支持愛駒，不過如果罕有到場，相信練馬師事前都會為馬主操好隻馬，務求一擊即中，令馬主和其親朋戚友一起拉頭馬開心一下。

今季快活谷首戰的第八場二班谷草1200米，其中麥菲文馬房「好吉利」馬主劉維劼長期都在北京與新加坡兩地公幹，甚少抽空來港看愛駒，但此駒初出一役贏馬，劉生剛好在港，最後更與家人和好友一起拉頭馬，當然開心。

今季此駒初出，收到風劉生將會入場親自打氣，當然必是出擊先兆！

劉生成為馬主，全因為受到「友瑩」系馬主楊毅的感染，皆因二人非常老友，見到楊生對賽馬的熱誠，當然亦希望成為馬主一份子，親身感受賽馬的樂趣。

「好吉利」去季跑谷草1200米六次得兩冠一亞一季，是次季內初出跑這強項，上季最後一戰前在操練上受傷腳腫而退下火線，不過暑期休息後已無礙，試閘走勢亦對辦，狀態有水準，由潘頓執韁，抽得一檔形勢大好，應可坐位望贏。