史上第一個成功得到兩岸三地，《金馬獎》、《金像獎》及《金雞獎》三金大滿貫影后周迅，今年再憑《你好，之華》獲提名金馬影后。

第55屆金馬獎今晚於台灣舉行，周迅以一身淡金色低胸晚裝到場，紅地毯兩旁圍觀嘅影迷一見到周迅，亦即時起哄大叫，非常受歡迎。而被問到對於喺《你好，之華》中同岩井俊二嘅誇國合作有乜感受時，周迅就好簡單話：「非常幸運碰到這部戲。」對於好友劉若英最近成為導演，問周迅之後會唔會都有興趣做埋導演，佢就笑言：「也許吧、也許吧。」

而憑《後來的我們》提名新導演嘅劉若英其後亦到場，負責唱出主題曲《我們》嘅陳奕迅，同人才濟濟嘅電影團隊，行得特別慢，劉若英講到入圍心情：「其實很開心，很開心可以入圍。」而Eason就話唱歌之前冇同導演先討論：「唱時還未看戲，剛看歌詞聽到旋律已很滿足，已是好的作品。」

另外，台灣演員張震，今晚來到擔任頒獎嘉賓，做咗多年演員嘅佢，問到佢幾時會自編自導自演，佢話︰「再等一下，要慢慢來做準備，我這年紀亦有自己喜歡的戲想演，會找編劇相量。」

精選娛聞，喺晒《娛果》
http://fb.com/appledailyent