2020年快將過去，今年全球都在疫情之下度過，各人生活開唔開心，真係見仁見智。

不過點都好，面對難關一定要樂觀面對，做人最緊要逍遙快活，咁就可以開開心心面對逆境。

講起「逍遙」，是日（26日）在沙田馬場進行的2020年終極戰，就有三匹「逍遙」馬上陣，包括第六場「愛逍遙」、九場「逍遙自在」和第四場「逍遙駒」。

當中，前兩駒均由譚秉智持有，後駒則是醫管局前主席胡定旭有份的團體馬。

「逍遙自在」早前跑谷草1800米爆69倍冷Win，馬主譚秉智當然驚喜，始終匹馬過往四捷全於泥地發生。

今日返回強項泥地1650米出擊，幕後當然想食過翻尋味。

至於「愛逍遙」仲未贏過，呢匹徐廐馬近三仗跑谷草1650米，當中前仗跑第二，演出較前提升。

如今轉跑泥地一哩，本身於英國曾三勝1400米膠沙地賽，相信唔怕食泥，改由潘頓發揮，當然唔係講玩。

兄弟情團體名下三歲澳洲自購新馬「逍遙駒」，今午服役初出跑田草1200米，賽前先後四度試閘，到最近試1200米谷閘得第三，擺明唔好唔出。

馬主之一胡定旭已經好耐冇拉頭馬，對上一次應係17年3月15日「想贏就贏」（已退役），事隔三年幾呢匹團體馬「逍遙駒」，話唔定可令佢再影頭馬相。

-----------------------------

時勢艱難，有問題即管開聲！

經濟環境陰晴不定，周轉困難亦是常事，邦民日本財務讓你安坐家中，貸款一樣可以輕輕鬆鬆到手，網上貸款即時初步批核⦿，星期日都照批★，用轉數快還可以即批即過數^，全新客戶成功貸款可享迎新現金獎高達HK$3,500▲，所以說，解決方法總比問題多！

立即申請 : https://bit.ly/32cqDIW

推廣期由2020年12月1日至2021年1月31日(包括首尾兩天)

須受條款及細則約束，詳情留意邦民日本財務(香港)網頁。

忠告：借錢梗要還，咪俾錢中介

放債人牌照號碼：1328/2020

查詢及投訴熱線：3199 1199