魏俊傑與陳司翰(Victor)昨日分別到紅磡春季嘉年華,為福幼基金義賣福袋。提起大前日情人節,魏俊傑表示他與女友滕麗名一起吃飯行街,但全程均有一個電燈膽。
傑仔說:「我哋識咗個男性朋友冇幾耐,但佢過年前失業又失戀,咪當陪吓佢囉,搞到情人節套餐要叫兩份,行街都多咗個人,阿滕蹺住佢手一齊行前面安慰佢,我一個人行後面呀。」傑仔還透露送了一套Burberry禮品,包括手表、頸巾及手袋給女友,而滕麗名則送了兩隻CalvinKlein手表給他。
陳司翰越洋送花
陳司翰則因女友在英國,二人分隔兩地未能相聚,不過Victor仍上網訂花越洋表心意,反而女友則沒有回禮給他,Victor說:「佢情人節嗰日有打電話畀我,但我錄緊音聽唔到,佢有時都會投訴我成日開工唔得閒陪佢㗎,我叫佢得閒咪同其他男仔去吓街,咁咪冇咁悶囉。」
採訪、攝影:駱華齡