當年今日
關於我們

  阿董叫記者「埋單」 - 李八方

蘋果日報 2002/01/01 00:00


大除夕阿董大破慳囊,於愛心長跑活動以八千元購買了一幅畫「龍馬精神」,及一張價值一百五十元的「同步過冬」唱片光碟。「龍馬精神」一畫是由患腦殘障、只有左手能活動的前年再生勇士獎得主廖東梅所繪畫,色彩繽紛線條鮮明,八方就覺得擺到過舊曆年都啱氣氛,而且做善事,幾多錢都值得。
可能因為除夕大贈送,阿董昨天回應記者的提問,比以往「食咗飯未」長好多,一行埋記者度就話「嗱,今日元旦前夕呀吓,希望你哋快快手手埋單,返屋企同朋友出街玩得開心啲,你哋已經辛苦咗成年,快啲埋單走啦!」跟住連講四聲「多謝晒你哋」就自己「埋單」走人。八方𢱑晒頭,通常講親年尾埋單結數都冇好嘢。後來政府出稿澄清佢係想講「埋版」。不過阿董咩問題都唔答,記者冇料交稿又點「埋版」呢?


E-mail:[email protected]