當年今日
關於我們

【李八方online】3.11《城市論壇》換馬 男神主持蘇敬恆被消失?

蘋果日報 2018/03/11 14:31

城市論壇補選李八方蘇敬恆

雖則3.11係補選投票日,但其他事務仍然如常運作。好似香港電台咁,逢周日播出嘅皇牌節目《城市論壇》當然繼續,今集題目係「廢紙圍城」,民生議題嚟㗎喎,相信唔會太政治化,真係啱晒大和諧氣氛。但睇真啲,點解主持人男變女,由陳月慧擔大旗,蘇敬恆去咗邊?
睇返吖,原來《城壇》Facebook噚日已經喺Facebook預告,今日嘅《城壇》由陳月慧主持,但同時附上陳月慧同蘇敬恆嘅一問一答,陳月慧問:「3月11日有乜野最重要?」,蘇敬恆就答:「投票,同埋......收睇由你陳月慧主持嘅城市論壇啦!」,帖文仲附有政府呼籲補選投票嘅橫額。
蘇敬恆盛傳因為建制派篤背脊,指佢係民主派而喺政助遴選中落馬,呢次又喺3.11投票日被換馬,自然又惹嚟唔少猜疑,有冇政治干預,係咪有啲勢力想確保零風險?最可圈可點係,《城壇》Fb小編留言回覆網民,多謝大家支持蘇、陳兩人,「同事有時會分擔唔同工作崗位,下星期日蘇敬恆同大家見面」。
八方了解過,蘇敬恆今晚有特備節目要主持,可能因為分身不瑕而喺中午稍稍休息,況且佢之前都主持咗幾個選舉論壇,休息一番都好重要。唔知咁樣算唔算,真相大白?
立會補選新聞,《蘋果》一網睇晒
http://bit.ly/appledaily311