俄羅斯國家足球隊唔單止啱啱喺洲際盃出局，佢哋嘅2014年世界盃23人大軍據報更全部正接受禁藥調查，而呢23人大軍中有5人今屆有份踢洲際盃。世界反禁藥組織（WADA）喺舊年七月公佈嘅獨立調查報告指，俄體壇存在一套由國家主導，而且具組織性嘅服用禁藥計劃，當中以田徑運動尤以為甚，結果，喺俄羅斯報名嘅參加當年夏天里約奧運嘅389名運動員中，有111名被拒參賽；而《星期日郵報》嘅調查指，原來足球亦喺呢禁藥計劃入面，當中俄羅斯2014世盃隊全隊球員都可能有問題。國際足協亦表示得悉有關事件，並且正展開調查。