喺劇集《太陽的後裔》入面，「雙宋」宋慧喬同宋仲基固然養眼，但其實男配角陳久同金智媛嘅一段情亦非常吸引。

套劇咁收得，又一早拍晒，陳久噚日就去咗京畿道高陽市睇職業籃球賽，以前佢冇乜點被人留意，但o依家人憑劇貴，粉絲好快就發現「徐大英」坐喺觀眾席，記者見到當然狂影，陳久亦樂於配合任影唔嬲，風騷得佢吖！

陳久睇波睇得好投入，亦都表情多多，佢拎起紙扇為支持嘅愛隊吶喊助威，轉頭仲乾番兩杯，同劇中角色「徐大英」一樣咁豪氣呀。