【李華華Online】鷹君美女羅寶文開親子餐廳
李華華online羅寶文鷹君
話說呢幾年親子餐廳响香港地大行其道,夾夾埋埋有幾十間。無他嘅,試問邊個家長唔想有地方畀小朋友放電,等自己有餐安樂茶飯食呀。上星期五馬鞍山有個商場就開咗間新嘅親子餐廳,名叫Whizbo Kids Cafe,仲大手筆咁請咗陳豪做開幕嘉賓。華華八到,呢間舖原來鷹君家族第三代羅寶文(Poman)有份投資。
Poman畀台灣媒體稱呼做「富豪版侯佩岑」,一直以嚟主職係屋企酒店生意既副主席,但咁多年仲掂過好多瓣數,例如出書做作者、搞健康食品、投資動畫,親子餐廳就係佢最新搞作。
數埋Poman平時仲要照顧佢屋企一大班狗仔、陪屋企人做善事,到底邊得嚟咁多時間呢?唔通19歲就大學一級榮譽畢業嘅資優生,連時間管理都有獨門祕訣?
Poman畀台灣媒體稱呼做「富豪版侯佩岑」,睇落兩位都係美女。