官場中人對季陶說，公務員思考任何政策必定「左度右度」，務求滴水不漏才出台，「唔好聽叫做嘢慢、保守、回應唔到民意，但好嘅方面就係唔會有大問題出現」。
其實當日葉劉淑儀提出將奶粉列為法例規定的「儲備商品」，借此限制奶粉出口，官僚之間已認為有關做法會引發不少問題，「內地反彈之外，亦影響香港形象，執行亦有問題」，認為不將問題想得透徹，不應輕言限制奶粉出口。
不過，梁振英可不是這樣想。梁要求政府盡快回應民意，對公務員要「諗清諗楚」的做法不以為然，「佢（梁振英）要好快回應奶粉問題，好聽叫回應民意，唔好聽叫民粹」，而高永文見到葉劉的建議，以為「執到寶」，用《進出口條例》將葉劉方案「改頭換面」推出，既討好特首，又可以博民意支持，「政府入面已經好多人係高永文背後，叫佢做『高民望』，笑佢為民望乜嘢都唔理，遲早出事」，結果限奶令博到掌聲，卻觸怒北京，又要搞出制訂政策時要考慮內地感受等「補鑊」方案，「最後咪又係搞到班公務員！」