禮拜三谷草煞科戰用B欄，睇番最近5月7日同一移欄賽事又再次出現「魔鬼跑道」特色，因為居中後上馬連場有表現，好似「飛天龍駒」及「牽動美麗」留守尾叠，直路飛出外欄衝贏對手，另外「幾叻仔」及「魅力小子」亦係彎位在外叠發力照贏，所以不宜過份側重內叠前置馬。
今戰列陣馬中，第五場「幾叻仔」及第八場「紅簿仔」都曾在5月7日谷B欄贏馬，今次又揀同一移欄上陣，當然值得優先留意。另外，第三場「自成一格」五次角逐B欄一哩，取得三冠一亞佳績，憑較佳場地性能，兼有潘頓壓陣，有力打開今季勝門。