許廷鏗今日於將軍澳出席樂壇頒獎禮拉票活動，正為新碟宣傳，又積極為演唱會做運動減肥嘅許廷鏗笑言開始自己有線條，佢仲話演唱會打算找一直一齊作戰嘅朋友上台表演，又樂意與吳業坤和胡鴻鈞表演。至於近日養聲休息嘅林欣彤，許廷鏗指對方狀態好：「我有見過佢，OK嘅，我之前去佢母校演出，叫同學為佢打氣。」

提到商台「叱咤我最喜愛的男歌手」日前公佈最後五強入圍名單，許廷鏗不敵古天樂跌出五強，許廷鏗話：「我全力投古生，呢件事實在太正！我都想睇佢喺台上唱《男朋友》、《今期流行》，我細個就聽，全力推佢做No.1！」佢仲話反而自己冇上榜唔失望，仲覺得要其他人支持自己，係需要時間累積，相信古天樂都係多年儲返嚟。另外，許靖韻和曾樂彤表示平常心出席頒獎禮，仍未決定戰衣。

精選娛聞，喺晒《娛果》
http://fb.com/appledailyent