當年今日
關於我們

周柏豪忙到冇時間返屋企

蘋果日報 2013/09/17 06:00

周柏豪

身為藝人梗係想自己工作表排到密密麻麻,呢個亦都係周柏豪入行以嚟夢寐以求生活。

最近柏豪夢想成真,佢呢幾日通宵去澳門接拍鬼戲外,朝早就返香港為唱片宣傳,同埋聽日去TVB為《勁歌金曲》錄影,今午佢喺商台接受訪問話: 「我返嚟香港就忙住宣傳工作,連屋企都返唔到,要媽咪幫我執幾條底褲,不過幾忙都好,0依家學識對自己好啲,滋陰啲坐底食下嘢飲啖水,頭先仲敷咗個面膜,唔似以前咁不停做。」


講到可以返《勁歌》唱歌,問到有冇簽過啲乜嘢先畀上台?佢話:「冇喎,都係破冰之後第一次上《勁歌》,之前就唱過一次四大唱片嗰騷。」

工作密到咁當然令戶口進賬唔少啦,佢解釋忙未必係有錢收,好多時都係做宣傳,加上佢覺得要達八位數先算係賺大錢,忙埋明年紅館演唱會,佢好想一個人放假去旅行,而成個行程都唔上網。