當年今日
關於我們

【都係台灣嚟啫】大環表演者楊世豪下月來港 順利獲入境處發簽證

蘋果日報 2018/12/25 13:54

張敬軒入境處十大中文金曲大環表演者楊世豪閃靈

台灣閃靈樂團日前本來會出席由何韻詩主辦嘅《On The Pulse Of 我們正在》音樂節演出,但最後獲入境處拒絕發簽證(新聞連結: https://bit.ly/2Lx4H1x ),原因係申請人需擁有在香港境內不存在的技能、知識和經驗。由於閃靈於14年來港參加Clockenflap音樂節,當時申請過程順利,故有什麼「技能」消失咗,以致不獲發簽證,就連佢哋都唔清楚。
不過,《蘋果》就收到消息,今年6月為張敬軒紅館演唱會擔任演出嘉賓嘅台灣大環表演者楊世豪,下月3日嚟香港為港台「第41屆十大中文金曲『用心 · 聽』音樂會」擔任表演嘉賓,相關嘅工作簽證,已經順利獲入境處批咗,咁呢啲算唔算係同人唔同命呢?
《蘋果》今日向香港電台總監周國豐求證,佢承認楊世豪會係今年嘅表演嘉賓之一,但工作簽證唔係港台負責,佢話:「佢(楊世豪)今次都係嚟同軒仔(張敬軒)一齊表演,因為軒仔會演出10年前嘅作品《櫻花樹下》,同埋今年嘅作品《百年樹木》,簽證方面由英皇跟進,唔係港台負責,但知道佢哋噚日收到入境處通知,簽證已經批咗。」楊世豪經理人亦透過短訊回覆《蘋果》,表示一切都十分順利,沒什麼問題!
至於今年會唔會仲有其他外地嘅演出嘉賓?周國豐就話冇:「今年唔會好似上年咁玩集體回憶,大部份表演都係現役歌手同年輕人,希望推動香港樂壇。」佢又透露:「除咗軒仔同舞蹈家梅卓燕、台灣嘅楊世豪有一Part演出,謝安琪會有一Part以女性做主題嘅表演,另外就係金針獎得主達明一派嘅表演、Supper Moment同奪舞台劇獎嘅得獎者表演,以及黎明旗下歌手陳泳彤(JC)會有一Part表演。周國豐仲話:「今次都係首次請咁新嘅歌手做嘉賓,因為佢喺社交平台點擊率爆燈,JC《說散就散》呢首歌喺網上點播有8000萬次,所以搵佢嚟做嘉賓。」
精選娛聞,喺晒《娛果》
http://fb.com/appledailyent
empty
張敬軒下月3日再請楊世豪合作演出。(資料圖片)
empty
楊世豪今年6月喺張敬軒紅館演唱會曾經表演過。(資料圖片)