當年今日
關於我們

中環在線:股市羊太講到風險好興奮 - 李華華

蘋果日報 2007/05/15 00:00


噚日港股一度再創新高,指數大起大落,究竟風險高唔高?樹仁大學經濟系喺3月訪問咗2994人,整份「投資風險承受度調查報告」,發現講到「風險」,約兩成受訪者即刻諗到輸錢,三成多話等於「唔可靠」,逾四成覺得係「有危至有機」,3.04%話代表「好興奮」。
咁投資前最聽邊個支笛呢?27.8%受訪者答話係屋企人同朋友,23.32%選擇新聞媒體,信公司資訊或投資顧問意見嘅亦有22.59%,貪方便跟風唔做功課嘅竟佔11.53%,羊生羊太嘅數目依然好得人驚。
至於港人可承受嘅風險仍偏向保守,只有18.58%話會做高風險投資。瞓身高風險投資嘅男女比例,分別佔24.58%同12.57%,而未婚又比有家室嘅搏啲。