韓國嘅娛樂公司不時會喺海外舉辦選秀活動，加入外國藝人以方便開拓海外市場。韓國「馬舞女」泫雅所屬嘅CUBE事務所亦唔例外，自前年開始喺北京、台灣、香港等地搞選秀活動，而香港童星出身嘅莊錠欣(ELKIE)更成為CUBE旗下女團Crystal Clear（CLC）嘅一員，其台灣籍練習生賴冠霖參加《PRODUCE 101》後成功以限定男團Wanna One喺樂壇活動一年半。

CUBE事務所亦落實喺香港舉辦選秀活動，同往年一樣唔使任何參加費用，只要出生日期介乎1994年1月1日至2006年12月31日嘅有興趣人士，可於下月1號於指定時間到現場報名，唔知泫雅到時會唔會親身來港揀師弟妹呢？

另外，近日正以新碟《BABE》回歸樂壇嘅泫雅，今日透過Instagram上載新相，大晒好身材。