示威者為反惡法不惜堵路抗議，金鐘一帶的商戶生意難免招致損失。不過海富中心有小店卻不介意生意額大跌一半，仍熱心「半賣半送」精美便當慰勞學生和示威者。

在海富經營「美樂小食」及「森川」的許小姐，今日下午將數十個飯盒送到添馬公園物資站，免費贈予示威者。她向本報透露，昨日有一名非示威者的女士給了她500元，拜託她供應食物和水予示威者，故她今日「半賣半送」共送了40至50個便當到添馬公園，她指其便當每個售60、70元，推算即幾乎是蝕本價製作便當，「人啲錢搵得晒咩？唔想佢哋日日食麥當勞。」她坦言示威行動的確對她有影響，今日因封商場令生意額下跌一半，「但都因為佢哋而好好生意，噚日就好好生意，唔係話一概而論係佢哋害嘅，例如14年佔中嗰時我日日都咁好生意。」

下午三時半，有數名市民手持多盒飯盒及飲品，送到添馬公園咖啡室旁物資站，為留在現場協助管理物資及待命的急救員送暖。其中一位市民表示，他們路經海富中心商場，因身穿黑衣及戴上口罩，即被許小姐叫停，希望他們協助將食物送到附近物資站，為留守者打氣。許小姐坦言，自己亦有參與反送中遊行，未必完全認同激烈抗爭，「佢哋始終係細路仔，啱或者錯都唔係由我哋大人去計較。」她憶起昨日有不少中了催淚彈的示威者在其店外休息和洗眼，更一度哽咽，「好唔忍心……但世事嘅嘢無辦法……」她也有協助示威者，讓他們到廁所沖洗，又指今年的警察惡過佔中時期：「催淚彈亂咁放，好近人群，唔知點解，係咪個世界變咗？」

她直言一直想不明白，「點解世界變成咁，大家又唔係為柴、唔係為米，點解啲官一意孤行？點解啲市民咁大反對聲音，佢都唔聽？其實啲細路好陰功，你話响大陸犯罪，幾時輪到啲細路？佢先得個十零廿歲，最驚嗰啲係响大陸好多生意、買好多樓嘅人。但啲細路就衝前線喎，呢個世界好唔公平。」她形容，自己本來「只係識得深圳去邊度按摩、打邊爐」，但多得青少年製作影片，她才知道送中惡法之害，慨嘆今日社會是倒行逆施、顛倒黑白。

昔日新聞：電視辯論互叫熄咪 曾：你係撕裂2.0 林鄭：會順應民意辭職

相關新聞：【不斷更新】全港大中小學學界聯署「反送中」

【引渡惡法●懶人包】大律師公會逐點K.O.政府修例理由
【引渡惡法●懶人包】一文睇晒立會法律顧問7點質疑修例

---------------------------
【新聞有價】6月17日起 繼續撐蘋果
http://bit.ly/2IJ24ZR