謝安琪今日到中環出席護膚品牌活動，以紫色露肩貼身裙現身，身材弗爆。談到她日前為囡囡搞兩歲生日會，謝安琪說：「其實係好簡單嘅生日會，請咗幾個BB朋友咋，咁都引起咗大家注意。」謝安琪透露已為兩歲的囡囡準備報讀幼稚園：「都要準備返學㗎啦，心儀嘅學校都得到第二次面試嘅機會，我都好滿意、好欣慰。」

問到囡囡是否貪靚妹？謝安琪指幸好全家都不算貪靚，記者反問她老公張繼聰都不算？她說：「佢算咩？佢鍾意鍛煉啫，都係為咗工作，佢係為咗目標、好有衝勁嗰種男人。」謝安琪又笑謂自己與老公在健身的資歷差太遠，不想對方擔任她的私人教練：「佢好苛刻㗎，同埋佢十幾歲就自學健身，又睇書研究。囝囝都鍾意做運動，我哋成家都鍾意做運動。」

另外，老闆麥浚龍日前透露將為她舉辦演唱會，謝安琪說：「係呀，會做紅館，不過詳情等公司公佈，我好彩一早開始做運動修身，唔使為咗演唱會而趕住瘦，冇咁大壓力。」

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI