黃榕受武漢肺炎影響零收入 聖誕損失5位數要慳住使
黃榕何曼筠武漢肺炎
黃榕(Gloria)與何曼筠今晚到面包台錄影聖誕節目,疫情下Gloria近乎零收入,她謂本來聖誕節有3項工作也要取消,損失5位數字,更自言要慳住使:「本身未到第4波,接咗喺23、24同31號嘅打碟工作,而家延到下年,冇收入底下,幾千、一萬都好重要,我都要食好多雞胸㗎,所以唔好用咁多錢。」Gloria又呻3年多沒拍拖:「都恨㗎,每年聖誕喺工作中度過,會識到好多人,今年希望有奇遇,遇到個愛我嘅後生仔都好,哈哈。」
雖然冇工開,不過Gloria積極鍛煉健美身段,前日剛完成比賽,她說:「今次參加咗比堅尼小姐同美臀小姐兩項比賽,健美小姐攞咗第4,美臀10強都唔入,個個臀部線條都好靚,不過我輸咗都好開心呀,見其他對手好強勁,滿滿肌肉好似男人咁㗎,大隻過我幾倍,今年真係輸得好開心,佢哋成為咗我嘅動力。」Gloria又謂疫情關係,很多朋友也勸她退賽,不過她指比賽現場沒有現場觀眾,並做足防疫措施:「報咗名,我就當正自己係運動員,要有體育精神。」
黃榕最近參了美臀小姐比賽,雖然10強不入,但她指自己輸得好開心。
-----------------------------
-----------------------------