韓劇《太陽的後裔》女星宋慧喬最近人氣急升，自然成為廣告商新寵，不過喬妹早前就拒絕咗某日本汽車品牌嘅代言邀約，即時引起網民熱烈討論。

韓國方面透露，該日本汽車品牌於日本殖民時期使用大量來自佔領區嘅苦工，而喬妹雖然獲巨額邀請佢做品牌嘅中國區代言人，不過喬妹最後都係拒絕對方，認為自己唔應該接呢份工作。韓國網民即時留言大讚喬妹佢有愛國心，留言「帥氣的女人」、「好有概念」、「思想正確」等。不過亦有網民拎返喬妹之前曾逃稅一事嚟講，留言：「逃稅醜聞後，開始有作為一名公眾人物嘅應有意識。」